Алматы әкімінің бұрынғы орынбасары Ержан Бабақұмаров қамауға алынды, деп хабарлайды Bairaqmedia.kz.
Ақпаратқа сәйкес, Ержан Бабақұмаров 15 тәулікке қамауға алынып, жеті жылға жүргізуші куәлігінен айырылған.
29 қаңтарда түнгі сағат 3-те полиция оны Астанадағы Төлебаев көшесінде Toyota Land Cruiser Prado-ны тоқтатты. Тексеру мас болудың жеңіл дәрежесін көрсетті. Әкімшілік құқық бұзушылық жөніндегі мамандандырылған ауданаралық сот Ержан Бабақұмаровты ҚР ӘҚБтК 608-бабының 1-бөлігі («Көлік құралын мас күйінде басқару») бойынша кінәлі деп таныды, – делінген полиция хабарламасында.
Айта кетсек, Ержан Бабақұмаров 2019-2022 жылдар аралығында Алматы қаласы әкімінің орынбасары болған. Одан кейін 2022 жылдан бастап Қазақстан Республикасы президенті жанындағы Орталық коммуникациялар қызметін басқарды.
